iklan

NASIONÁL, EDUKASAUN, DILI

Estudante Tenki sai Ajenti Paz

Estudante Tenki sai Ajenti Paz

FOTO : Rafi/TATOLI

DILI, (TATOLI)– Dekanu Fakuldade Siénsia Sosiál (FSS), Eurico dos Reis de Araújo apela ba estudante ne’ebé mak sei gradua hosi Universidade Nasionál Timor-Lorosa’e (UNTL) kontinua promove paz iha sosiedade.

“Estudante tenke sai ajente ba  paz hodi promove nafatin valór paz nian atu serbi komunidade,” haklaken dekanu Eurico iha kampus FSS, Kaikoli, Kuarta (26/05) iha serimónia judisium ho tema: Ami Mai Aprende, Fila hodi Serbi.

Tuir Dekanu bainhira sai husi komunidade akadémika, ba fali hamutuk ho sosiedade, estudante presiza serbi nafatin komunidade ho dalan ne’ebé dignu.

Nune’e nia husu estudante ne’ebé sei gradua iha loron, 31 fulan ida ne’e tenki komunga prinsipiu katak, “Imi fila ba  komunidade atu serbi, serbi ho dignidade.”

Serbi ho dignidade nee, mak estudante presiza nafatin kumpri no hanai nafatin valór  universidade nian inklui hahii nafatin  almamater ne’ebé sai nu’udar identidade universidade nian no kaer metin nafatin ita-nia soberania.

Basa Soberania Timor ne’e Sosa ho isin no raan no ema barak  mak lakon nia vida tanba ne’e imi tenke kaer metin.

Entretantu estudante FSS ne’ebé tuir judisium ohin nee hamutuk ema na’in 54. Judisium rasik realiza bazea ba protokolu nú. 23/FCS/D/2017. Nomós haktuir ba konstituisaun RDTL artigu 59, lei baze Ministériu Edukasaun inklui dekretu lei 16/2010, fulan outubru kona-ba estatutu UNTL nian.

Tuir mós, polítika  nasionál Edukasaun no kultura, regulamentu akadémiku UNTL, estatutu FSS artigu 5 no 4 alínea C nomós ata ofisilizasaun UNTL.

(Jornalista: Rafy Belo)

(Editór : Manuel Pinto)

iklan
iklan

Leave a Reply

iklan
error: Content is protected !!