DILI (TATOLI)—Universidade Nasionál Timor Lorosa’e (UNTL) sei oferese (Gradua) tan rekursu umanu na’in 377 ba Timor-Leste (TL), iha loron lima oin mai, Kuarta (31/05) .
Tuir dadus ne’ebé Ajénsia Tatoli asesu iha UNTL, rekursu umanu, pós-gradusaun na’in 44 no lisensiatura na’in 333.
Fakuldade Agrikultura na’in 39, Fakuldade Edukasaun, Arte no Umanidade na’in 106, Fakuldade Ekonomia no Jestaun na’in 62, Fakuldade Siénsia Sosiál na’in 54, Fakuldade Filozofia na’in neen no Fakuldade Siénsia no Teknolojia na’in 66 inklui pós-graduasaun na’in 44 ne’e rasik.
Dekanu, Eurico dos Reis Araújo, hosi Fakuldade Siénsia Sosiál hatete, graduadu sira importante tenke hatudu nafatin nia karakter no responsabiliza almamater universidade nian.
“Imi tenke tane aas nafatin imi-nia almamater iha ne’ebé no bainhira de’it,” Eurico afirma.
No reforsa, hodi halo mós analojia ida katak se universidade eh Fakuldade lá konsege produz graduadu sira sai nu’udar meza di’ak ida, maibé pelumenus bele produz ona aikabelak furak ida hodi ema seluk bele uza.
Entretantu, durante ne’e sura ho graduasaun tinan UNTL halo ona graduasaun ba período dala-17.
(Jornalista: Rafy Belo)
(Editór : Manuel Pinto)
