iklan

NASIONÁL, DESPORTU

FIEL La Hakfodak ho Emanuel FC

FIEL La Hakfodak ho Emanuel FC

Line up provizóriu FIEL ba jogu kontra Emanuel FC.

DILI (TATOLI)—Fitun Estudante Lorosa´e (FIEL) FC nu´udar klube ne´ebé hamriik besik tinan 20 ona. Tanba ne´e, klube refere sempre fiar án manán bainhira hasoru klube sé de´it.

“Ami FIEL nunka hakfodak ho sé de´it. Tanba tún iha kampu laran ne´e 11 Vs 11, la´ós 22 kontra 11. Tan ne´e, ami nunka atu tauk hasoru sé de´it. Ami optimista manán Emanuel FC,” jogadór seniór médiu FIEL, Nívio Freitas ba Ajénsia TATOLI, Sesta ne´e, bainhira husu ninia komentáriu kona-ba sira nia preparasaun atu hasoru Emanuel FC iha jogu play off ne´ebé hala´o iha Estádiu Munisípiu Dili, lokraik tuku 16:00 ne´e.

Nia dehan, jogadór seniór balun hanesan Sabino Pereira (médiu), Ameta (avansadu), João Manuel (avansadu), Agari (defeza), Mário Tavares (baliza) mós sei tún hamutuk ho jogadór juniór sira seluk.

“Importante ba ami maka unidade ekipa. Maske ami nia unidade la hanesan uluk maibé pelumenus  pursentu 95 (95%) ami hetan ona,” Nívio esklarese.

Nia afirma katak durante ne´e sira la hasoru obstáklu ne´ebé boot maibé iha buat balun ne´ebé kiik. “Obstáklu mai ami maka kampu de´it,  maibé ami treinu ho di´ak nafatin,” jogadór seniór ne´e haklaken. (Jornalista: Xisto Freitas)

 

iklan
iklan

Leave a Reply

iklan
error: Content is protected !!