iklan

NASIONÁL, INTERNASIONÁL, DILI, MUNISÍPIU

TMR Husu Kontra Abuzu Liberdade Imprensa-Espresaun

TMR Husu Kontra Abuzu Liberdade Imprensa-Espresaun

Xefe Estadu bainhira ensera atividade Konsellu Imprensa iha selebrasaun ninia tinan ba dahuluk iha Delta Nova, ohin. Foto Tatoli/Manuel Pinto

DILI, (TATOLI) – Prezidente Repúblika, Taur Matan Ruak husu ba Konsellu Imprensa atu iha nia kna’ar kontra abuzu ba liberdade imprensa no espresaun.

“Jornalizmu nia poder atu fó informasaun loloos no realistiku ba sidadaun”, hatete Xefe Estadu iha nia diskursu bainhira ensera konferénsia internasionál ne’ebé realiza hosi KI ba selebrasaun tinan ida iha Delta Nova, kuarta (10/5).

Tuir Taur nia haree KI adopta ona modelu di’ak tanba sai nu’udar ligasaun entre Estadu ho sosiedade.  Husu atu kontinua halo esforsu dignifika papel jornalista sira iha rai laran no mundu.

Oportunidade ne’e nia hato’o parabéns ba KI no jornalista timoroan hotu. “Aniversariu hatudu dezenvolvimentu instituisaun hodi reforsa demokrasia iha sosiedade”, sublinha.

Taur mos agradese ba partisipasaun bainaka internasionál sira. “Imi nia partisipasaun halo ha’u laran haksolok”, deseju.

Antes taka, ulun boot Nasaun ne’e lansa mós prémiu ba jornalista ho mídia sira ne’ebé ínisia hosi Ki.

Prémiu sira mak Adelino Gomes (jornalista Portugés),  Borja da Costa (esritór hino nasionál patria-patria),  Greg Shackleton (jornalista Australiano ne’ebé halo kobertura iha Balibo antes Indonézia invade, 1975),  no Bernadino Gomes (jornalista timoroan).

Entertantu Prezidente KI, Virgilio da Silva agradese ba disponibilidade Xefe Estadu hodi ensera seminár ne’e.

Jornalista: Manuel Pinto

Editora: Rita Almeida

 

iklan
iklan

Leave a Reply

iklan
error: Content is protected !!