iklan

NASIONÁL, EDUKASAUN

Mídia Kualidade Halo Povu Matenek

Mídia Kualidade Halo Povu Matenek

S.E, Nélio Isaac Sarmento ho S.E, Leovigildo Hornai iha atividade estudante departementu KomSos, UNTL hodi komemora loron liberdade imprensa mundiál. Foto Tatoli/Egas Cristovão

DILI, (TATOLI) – Sekretáriu Estadu Komunikasaun Sosiál, Nélio Isaac Sarmento hatete teória klásika kona-ba papel mídia nian mak atu informa, eduka no diverte. Bainhira mídia kualidade povu sei hetan informasaun ne’ebé kualidade.

Estudante departamentu komunikasaun sosiál, UNTL halo hela montajen ba sira-nia ekipamentu reportajen. Foto Tatoli: Rafy Belo

Perante akadémiku sira iha Kampus Kaikoli, ohin, governante ne’e sujere ema hotu liliu ensinu superiór sira atu iha obrigasaun produz matenek ne’ebé iha kualidade no esperiénsia.

“Kualidade de’it la to’o, matenek de’it la to’o. Kualidade atu halo di’ak bainhira iha esperiénsia prátika lorloron nian”, haktuir iha atividade estudante departementu Komunikasaun Sosiál, Universidade Nasionál Timor Lorosa’e, ámbitu komemora loron liberdade imprensa mundiál ne’ebé akontese aban, (3/5).

Bainhira ema matenek no kualidade maibé  instituisaun sira, públiku eh privada la fó oportunidade hodi utiliza, lalika ko’alia kona-ba kualidade.

Hakarak Nasaun matenek, forte iha área jornalizmu, ema hotu inklui UNTL liliu departamentu tenke produz ema barak atu bele iha mudansa liuhusi produtu informasaun ne’ebé ho kualidade. “Ita aumenta ona matenek ba timoroan sira”, hateten.

Bainhira mídia kualidade povu sei hetan informasaun ne’ebé kualidade. “Bainhira ita-nia povu informadu, nia koñesimentu luan”, governante ne’e konklui.

Notísia relevante: http://www.tatoli.tl/2017/05/jornalista-tenke-kontribui-eduka-sosiedade/

Jornalista: Rafy Belo

Editora: Rita Almeida

iklan
iklan

Leave a Reply

iklan
error: Content is protected !!