Veteranu TL Sei Partisipa Loron Veteranu Austrália

0
43
Veternu sira halo reuniaun ho Primeiru Ministru, Rui Maria de Araújo hodi ko'alia kona-ba sira nian prejensa iha selebrasaun loron veteranu Austrália ne'ebé sei monu iha loron 25 fulan-maiu. Foto Tatoli/Zezito Silva

DILI, (TATOLI) – Veteranu sira hosi Timor-Leste (TL) sei asiste loron veteranu sira Austrália nian ba dala 102 iha loron 25 abríl semana oin.

Reprezentante Veteranu, João Miranda ho kódigu Aluk ba Tatoli hafoin enkontru ho Primeiru Ministru, Rui Maria de Araújo hodi ko’alia kona-ba prejensa veteranu TL iha loron 25 nu’udar momentu importante ba veteranu Nasaun viziñu Kanguru.

“Reprezentante luta nain hamutuk 22 atu partisipa”, Aluk fó sai iha salaun Sosiedade Sivíl, Palásiu Governu, Segunda (17/4).

Iha fatin hanesan veteranu, Vasco da Gama dehan sira nian prejensa sei ko’alia direta oinsá kria lasu amizade relasiona ho fronteira marítima.

“Ami sei ko’alia ba malu oinsá mak bele apoia no komprensaun kona-ba direitu fundamentál povu no Nasaun ida-idak nian tanba ami veteranu sira defende integridade teritoriál”, katak.

Veteranu sira sei aranka iha loron 22 fulan-abríl no fila iha loron 27 iha fulan hanesan. Prejensa ne’e hetan apoiu hosi governu TL.

Jornalista: Zezito Silva

Editora: Rita Almeida

HUSIK IDA HATÁN