Tutuala Ho Ótel Pouzada Presiza Kondisaun

0
75
Ótel Pouzada Tutuala ho kondisaun plafon ne'ebé komesa a'at. Foto TATOLI/Zezito Silva

TUTUALA, (TATOLI) – Ótel Pouzada ne’ebé pertense iha postu administrativu Tutuala, munisípiu Lautem presiza kondiasaun di’ak tanba plafon hahú a’at dadauk no animál sira komesa tama no sai iha fatin refere.

Manejer Ótel Pouzada, Nicolau dos Santos ba Ajénsia Tatoli hatete ótel la-kondisiona. Tanba, kuartu ida kama rua ho presu ba ema kaben nain ho US$50.00 no solteiru US$30.00. ho haris fatin ne’ebé kompletu no moos.

“Ótel Pouzada hanesan fatin estratéjiku ba turista estranjeiru no rai laran hodi deskansa maibé realidade mak plafon hahú a’at, jardim laiha, animál hanesan bibi, fahi no lekirauk sira tama livre ba área Ótel”, Jerente Ótel ne’e ba Tatoli foin lalais iha Tutuala.

Nia dehan hato’o ona kondisaun sira ne’e ba Ministériu Turizmu liuhosi diresaun planeamentu atu kria kondisaun hanesan lutu atu animál labele tama hodi estraga ambiente.

“Kondisaun sira ne’e ho nia impaktu ba turista sira tanba sira hakarak ambiente moos, uma tenke ho kondisaun atu labele difikulta sira”, dehan tan.

Jornalista: Zezito Silva

Editora: Rita Almeida

HUSIK IDA HATÁN