DILI, (TATOLI) – Primeiru Ministru, Rui Maria de Araújo hateten, dialogu maka dalan di’ak liu hodi rezolve tensaun funu entre Estadu Unidu Amerikanu (EUA) no Korea Norte.
ʺGovernu Timor-Leste fiar katak dalan diálogu maka sei solusiona kestaun sira ne’eʺ, dehan Xefe Governu ba jornalista sira iha Comité Centrál FRETILIN (CCF) Komoro, kuarta (19/4).
Enkuantu, Timoroan sira ne’ebé oras ne’e iha Korea do Súl, governu kontinua akompaña kuandu evakua bainhira mosu funu entre Nasaun rua ne’e.
ʺGovernu liuhusi embaixada iha Korea do Súl sei akompaña sira atu evakua no lori fila mai Timorʺ, tenik.
Entretantu, servisu nain timoroan kuaze rihun rua maka oras ne’e servisu iha Korea do Súl.
Jornalista: Agapito dos Santos
Editora: Rita Almeida