TL Sei Hatudu Progresu iha Diskusaun G7+

0
48
Programa ODS. Foto Google

DILI, (TATOLI) – Timor-Leste sei hatudu ninia progresu ba implementasaun Objetivu Dezenvolvimentu Sustentavel (ODS) iha enkontru G7+ ne’ebé hala’o iha loron 22 to’o 23 fulan-oin, nune’e bele partilla iha forum altu nivel polítiku Nova Iorke, fulan-jullu 2017.

Sekretáriu Jerál G7+, Helder da Costa. Foto espesiál.

Sekretáriu Jerál G7+, Helder da Costa ba TATOLI iha Ministériu Finansa informa, ohin, asuntu prinsipál ne’ebé sei ko’alia iha konferénsia, tanba TL iha kompromisu boot atu implementa ODS nu’udar Nasaun pós-konflitu.

Iha biban ne’e mós TL hakarak hatudu nia progresu implementasaun ODS iha sinkronizasaun ho planu estratéjiku dezenvovimentu ne’ebé TL iha ona.

“Tanba sá? Primeiru 15 anos liubá iha era MDGs (Millennium Development Goals) inklui Timór ho país sira seluk laiha ida ké alkansa Objetivu Dezenvovimentu Miléniu. Agora, próximu 15 anos mai, ita laiha opsaun seluk, ita tenke implementa para ita labele hela tan bá kotuk”, katak.

TL nu’udar nasaun dahuluk ratifika liuhusi rezolusaun Parlamentu Nasionál hodi fó kompromisu implementa ODS.

Konferénsia ne’e atu aprezenta, elimina ki’ak, halakon hamlaha, edukasaun no saúde no ODS 9 kona-ba indústria, inovasaun no infarestrutura.

“Oinsá mak atu hatudu iha forum ne’e, Timor-Leste nia progresu katak ita iha kompromisu, tanba Governu ne’e tinan rua ho balun de’it, espera Governu foun mai sei kontinua implementasaun”, espera.

Iha ODS seluk ne’ebé TL sei implementa maibé proridade haat ne’e mak toma iha konsiderasaun mandatu ezekutivu nian hotu ona tanba atu implementa tenke iha longo prazu, nune’e estratéjikamente Governu hili prioridade haat ne’e hanesan pasu inisiál no governasaun foun kontinua ODS seluk.

Aleinde ODS seluk, TL daudaun ne’e mós implementa ODS númeru 16 kona-ba pás, justisa no instituisaun efikáz.

Jornalista: Maria Auxiliadora

Editora: Rita Almeida

HUSIK IDA HATÁN