Timor Preparadu ona Tama ASEAN

0
132
Foto espesiál

DILI, (TATOLI) – Eis-prezidente Repúblika, José Ramos Horta afirma katak Timor-Leste (TL) preparadu ona tama ba ASEAN (Association of South East Asean Nation).

Ramor Horta. Dokumentasaun Tatoli

“Timor-Leste preparadu bele tama iha tinan ida ne’e ka 2018, prontu atu tama, se kumpre obrigasaun ba ASEAN”, hateten Premiadu Nobel ba Dame 1996 ba jornalista sira iha Hotel Novo Turizmu Lecidere, kinta (19/4).

Maske nune’e nia konsidera atu halo adezaun ba organizasaun Áziatika ne’e, sei iha difikuldade kona-ba rekursu umanu tanba ezizénsia atu tuir ajenda ASEAN nian boot tebes.

“Ne’e duni, la’ós Ministériu Negósiu Estranjeru de’it maibé governu tomak tenke haree, aselera dezenvolvimentu rekursu umanu”, hatete líder timoroan ne’e.

Seluk mak sei iha difikuldade iha administrasaun públika, maibé pilár balun ne’ebé mak importante tebes ba ASEAN hanesan seguransa, dezenvolvimentu ekonomia, estabilidade polítika, Timor-Leste di’ak loos.

“Ha’u hateten, ha’u kuñese kuaze rai sira iha ASEAN, iha mundu ne’e ha’u bele kompara ita-nia susesu iha tinan 15 de’it rai sira seluk”, nia akresenta.

Tanba ne’e, tuir eis-ministru negósiu estranjeiru no kooperasaun ne’e indikadór barak, indikadór husi ekonomia, polítika, indikadór ba seguransa, Timor-Leste di’ak no bele tama.

Jornalista: Rafy Belo

Editora: Rita Almeida

HUSIK IDA HATÁN