Sporting Timor – Sporting Braga Kesi Koperasaun Iha Formasaun Jogador

0
88

DILI (TATOLI) — Prezidenti Sporting Clube de Timor, Estelo de Araújo asina akordu ho Prezidenti Sporting Clube de Braga Portugal, António Salvador da Costa, hodi kesi koperasaun iha área formasaun ba jogadór sira.

Serimónia asina akordu ne´ebé hala´o iha Hotel Timor, Dili, semana kotuk, foku liu-ba formasaun jogadór sira hosi Sporting Clube de Timor ho idade junior no sei hala´o iha longu prazu nia laran.

“Projetu ne´e hahú dezde tinan kotuk. Vantajen maka promove ita nia desportu no promove jogadór sira para ema bele kuñese di´ak liu-tan Timor-Leste iha mundu,” prezidenti Sporting Clube de Timor esplika.

Oras ne´e, Estelo dehan, sira prepara hela jogadór sira atu partisipa iha formasaun refere. Formasaun ne´e liuhusi dalan rua. Ida, haruka treinadór hosi Sporting Clube de Braga mai treinu jogadór iha Timor no ida seluk maka lori jogadór sira ba treinu iha Portugal.

Jornalista: Xisto Freitas / Editor: Gantry Meilana

HUSIK IDA HATÁN