SLN Instala Mákina Dulas Hare iha Armazein Tibar

0
39
Instalasaun CCTV iha armazein Tibar. Foto SLN

DILI, (TATOLI) – Sentru Lojístika Nasionál (SLN), Ministériu Komérsiu Indústria no Ambiente (MKIA), instala ona mákina dulas haree iha armazein Tibar atu asegura liután kualidade hare ne’ebé SLN sosa husi grupu agrikultura.

Intalasaun mákina dulas hare iha armazein Tibar. Foto SLN.

Mákina ne’ebé nia kapasidade bele dulas hare to’o tonelada 20 ne’e hola iha Xina ho montante U$72.000 mil inklui kustu ba instalasaun no treinamentu ba operadór.

Administrádór SLN, Nívio Magalhães ba TATOLI iha Bebora hatete hare ne’ebé dulas sei fa’an ba públiku tenke ho foos ne’ebé moos, kualidade di’ak no mákina refere sei hahú funsiona iha fulan ne’e.

Operadór ba mákina ne’e husi pesoál SLN ne’ebé hetan ona treinamentu iha Indonézia.

Aleinde mákina, SLN instala mós Closed Circuit Television (CCTV) atu kontrola movimentu.

“Osan ne’ebé utiliza ba foos ne’e sosa ho povu nia osan. SLN iha obrigasaun no responsabilida asegura katak foos ne’e seguru”, hatete.

Armazein sira ne’e tau CCTV haat iha laran no liur nomós monitór ida. Totál osan hodi sosa CCTV ne’e U$9.100 mil.

Jornalista: Maria Auxiliadora

Editora: Rita Almeida

HUSIK IDA HATÁN