SEPFOPE Komemora Loron Traballadór ho Kuda Ai-oan

0
77
Sekretáriu Estadu, Ximenes kuda ai-oan iha One Dolar Beach, kuarta (26/4). Foto TATOLI/Julia Chatarina

MANATUTU, (TATOLI) – Sekretariu Estadu Polítika Formasaun, Profisionál no Empregu (SEPFOPE) hamutuk ho funsionariu, estudante no autoridade lokál kuda ai-oan hamutuk 300 iha One Dolar Beach, kuarta (26/4).

“Ita kuda ai-oan para hanoin hikas fali traballadór sira, kada tinan ita sempre kuda para ai-horis bele fó mahon ba ita ema, hosi ai bele hamosu bee, sirkulasaun bee bele halo fatin ida sai matak”, katak Sekretariu Estadu, Ilídio Ximenes iha One Dolar Beach.

Hili fatin ne’e tanba fatin turíztika, no sei entrega ba autoridade lokál atu halo jestaun no hetan lukru husi fatin hirak ne’e.

SEPFOPE sei halo atividade seluk durante semana ne’e hodi selebra loron traballadór.

Iha fatin hanesan Diretór Jeral Jestaun no Planeamentu SEPFOPE, Jacinto Barros Gusmão hateten área ne’e komesa dezenvolve maibé sei manas tanba ladun iha ai-mahon.

“Iha hanoin ida atu halo reflorestasaun, atu kuda ai-oan ne’ebé bele aguenta iha loron manas, liu-liu iha rai henek tasi ibun hanesan ne’e”, katak.

Nia dehan tan, selebra loron ne’e atu dignifika servisu nain sira, oinsá bele kontribui másimu iha prosesu dezenvolvimentu.

Jornalista: Julia Chatarina

Editora: Rita Almeida

HUSIK IDA HATÁN