SekJer ONU Seidauk Hatan Partisipasaun Tomada Pose Lú-Olo

0
210
Ministru Negosiu Estranjeiru no Koperasaun, Hernani Coelho. Foto dokumentasaun Tatoli

DILI, (TATOLI) – Ministru Negosiu Estrangeirus no Koperasaun, Hernani Coelho hateten to’o segunda (17/4) ohin seidauk hetan resposta hosi Sekretariu Jerál (SekJer) Organizasaun Nasoens Unidas (ONU), António Guteres hodi partisipa seremonia toma posse Prezidente Repúblika eleitu, Francisco Guterres Lú-Olo iha Dili.

ʺAmi seidauk hetan karta konfirmasaun ofisiál hosi Sekretariu Jerál ONU atu mai partisipa iha seremonia tomada de pose Prezidente eleitu no komemorasaun restaurasaun independénsia 20 maiuʺ, governante ne’e ba jornalista sira iha Parlamentu Nasionál, ohin.

Hatutan, haruka ona konvite espesiál ba Xefe Estadu hosi Nasaun ualu hodi partisipa. ʺita haruka ona karta konvite ba Xefe Estadu nain ualu maibé seidauk hetan konfirmasaunʺ, informa.

Prezidente eleitu foin lalais hateten, Xefe Estadu Nasaun ualu inklui Prezidente Indonézia, Joko Widodo no Governadór Austrália.

Jornalista: Agapito dos Santos

Editora: Rita Almeida

HUSIK IDA HATÁN