Sai Parseiru Governu, Médiku Veterináriu Harii Asosiasaun

0
33
Médiku veterináriu. Ilustrasaun

DÍLI, (TATOLI) – Médiku veterináriu Timoroan, Dr. Antoninho do Carmo informa katak oras ne’e dadaun sira harii ona Asosiasaun Médiku Veterináriu hodi sai parseiru ho governu.

“Prosesu ne’e agora iha notariadu,” informa  Dr. Antoninho hodi responde pergunta Ajénsia Tatoli kona-ba prosesu tratamentu atu harii asosiasaun husi médiku veterináriu timoroan sira, iha salaun Pusat Kebudayaan Indonesia, Mascarenhas, Díli, segunda (17/04/2017).

Tuir loloos, ohin, fundadór ba asosiasaun ne’e asina ona, maibé la konsege tanba fundadór sira la kompletu.

“Ami seidauk asina, maibé iha tiha ona notariadu,” informa fundadór ne’e.

Médiku veterináriu ne’e informa, asosiasaun ne’e harii la’ós governu nian, maibé ketak ho intensaun atu bele hamutuk ho governu hodi haree servisu veterináriu nian bele la’o di’ak liu.

Asosiasaun Médiku Veterináriu ne’ebé mak foin harii ne’e, oras ne’e dadaun kompostu husi ema na’in 17 ne’ebé rejistradu, balun mai husi governu, universidade nomós husi fatin seluk tan.

Jornalista: Rafy Belo / Editor: Gantry Meilana

 

HUSIK IDA HATÁN