Reseita Doméstika Sufisiente Aloka ba Saláriu-Vensimentu

0
139
Foto La'o Hamutuk.

DILI, (TATOLI) – Vise-Ministru Finansa, Helder Lopes hatete Ministériu Finansa kada tinan observa, totál reseita naun petrolíferu ne’ebé kolleta sufisiente ona para aloka ba item saláriu no vensimentu.

Reforma fiskál ne’ebé hahú iha 2015 no efeitu iha 2016, kolesaun reseita doméstika konsege ultrapasa totál osan ne’ebé gastu ba saláriu no vensimentu.

“Agora ita-nia alvu la’ós ida ne’e de’it, ba despeza rekorrente sira seluk mós ita hakarak reseita doméstika mak kobre la’ós husi fundu petrolíferu”, Vise-Ministru dehan iha Muzeu Rezisténsia, ohin.

Tuir dadus ne’ebé iha, totál reseita doméstika ne’ebé rekolla iha 2016 ho totál osan ne’ebé gasta ba saláriu  no vensimentu liu ona osan ne’ebé tau ba atu selu saláriu no vensimentu iha 2016.

“Ida ne’e hahú hatudu sinál katak reforma fiskál ne’ebé ita halo ne’e nia efeitu hahu iha”,  Helder katak.

Kada tinan fundu minarai kontribui porsentu 90 ba Orsamentu Jerál Estadu no porsentu 10 de’it mak husi reseita doméstika.

Hatudu dependénsia ba reseita minarai maka’as tebes no atu hamenus ida ne’e mak haló reforma fiskál ho estratéjia mak trasa alvu kolesaun resita doméstika husi porsentu 10 husi totál ekonomia ne’ebé mak atinje porsentu 15 iha 2020.

“Sé karik ita atinje to’o iha 2020 despeza sira hanesan saláriu no vensimentu, depeza rekorrente hanesan subsídiu, veteranu, idozu no bens no servisu, ita espera osan ne’e ita finansia husi kolesaun reseita doméstika”.

Sobre projetu boot hanesan infraestrutura tanba presiza osan barak nune’e foti nafatin husi osan minarai.

Jornalista: Maria Auxiliadora

Editora: Rita Almeida

HUSIK IDA HATÁN