Quatrick Golu Jose Santos Lori DIT Festa Golu

0
46

DILI (TATOLI) — DIT FC iha jogu daruak Segunda Divisaun Liga Futebol Amadora (LFA) fo supreza ba nia adeptus hodi halo festa golu ba Santa Cruz ho vitoria 8-3. Jose Santos, lori nia an mos tama iha istoria marka golu ho quatrick golu. 

 

Jogu ne’ebe halao iha Estádiu Munisipál Dili, Tersa (04/04/2017) ne´e, DIT lori nia kbiit tomak konsege vense (manán) Santa Cruz ho golu ne´ebé barak. Nia manán ekipa tuan ne´e ho golu 8-3.

Golu hosi ekipa ne´ebé antes ne´e nakonu ho jogadór selesaun nasionál ne´e hatama hosi Ricardo Mendonça iha minutu 16, 72, Boaventura iha minutu 18, José Santos iha minutu 20,64,67,78 no Joanico Braganza  iha minutu 80.

Enkuantu, golu hosi Santa Cruz FC hatama hosi Cornélio Freitas iha minutu 40, Raimundo 65 no Venâncio Martins minutu 74.

Antes ne´e, DIT lakon ho Nagardjo 0-3 iha abertura Segunda Divizaun Liga Futeból Amadora (LFA) époka daruak ne´ebé hala´o iha 8 Marsu liu-ba. Oras ne´e, DIT hetan pontus 3. Iha parte seluk, Santa Cruz hetan pontus 4.

Provizoriamente, Grupu A Segunda Divizaun lidera hosi Nagardjo FC ho pontus 7. Tuir mai klasifikasaun kompletu grupu ne’e:

  1. Nagardjo (joga dala 3, manán dala 2, impata dala 1, lakon 0 no asumi golu +4).
  2. Santa Cruz FC ho pontus 4 (manán 1, impata 1, lakon 1 no asumi golu -4).
  3. DIT FC hetan pontus 3, (joga 2, manán 1, lakon 1, impata 0 no asumi golu +2).
  4. Kablaki FC ho pontus 3, (joga 1, manán 1, lakon 0, impata 0 no asumi golu +1).
  5. Sport Dili Benfica hetan pontus 0, (joga 1, manán 0, impata 0, lakon 1 no asumi golu -1).
  6. Café FC ho pontus 0, (joga 2, manán 0, impata 0, lakon  2 no asumi golu -2).

Jornalista: Xisto Freitas/ Editor: Gantry Meilana

 

HUSIK IDA HATÁN