Prosesu Investigasaun Kazu ONGV Seidauk Remata

0
104
Primeiru Ministru hamutuk Vise Ministra Saúde, segunda, (24/4) selebra loron imunizasaun mundiál iha sentru saúde Bekora. Foto TATOLI/Zezito Silva

DILI, (TATOLI) – Primeiru Ministru, Rui Maria de Araújo hateten ekipa ne’ebé halo investigasaun ba doutór espesialista, Nilton Gusmão Santos iha Óspital Nasionál Guido Valadares (ONGV) seidauk termina.

“Prosesu investigasaun seidauk hotu, foin mak fulan ida, presiza halo investigasaun profunda”, Xefe Governu ba Tatoli hafoin selebra loron mundiál imunizasaun iha sentru saúde Bekora, segunda (24/4).

Investigasaun ne’e relasiona ho Nilton Gusmão dos Santos fó sai problema ONGV liuhosi facebook  iha domingu, 26 Marsu, tuku 22:58 kona-ba rejime ditadura, pesoál saúde laiha pagamentu ba oras extra, óspital sai semitériu, laiha aimoruk antibiótika no óspital hanesan ró-ahi ne’ebé mout ona.

Ho expresaun ne’e, Diretor Ezekutivu ONGV, José Antonio Gusmão ho funsionáriu halo klarifikasaun liuhosi konferénsia imprensa hodi husu ba públiku atu nafatin fó konfiansa.

Jornalista: Zezito Silva

Editora: Rita Almeida

HUSIK IDA HATÁN