Programa Saúde Família iha RAEOA Seidauk Másimu

0
123
Primeiru Ministru iha selebrasaun loron mundiál ba imunizasaun iha sentru saúde Bekora, segunda, (24/4). Foto GPM

DILI, (TATOLI) – Sistema dijitál ba programa saúde na família (PSNF) iha Rejiaun Autónomu Enklave Oe-Cusse Ambeno (RAEOA) hatudu foin atinje pursentu tolu, enkuantu munisípiu 12 to’o ona pursentu 67.

Diretora Jerál Prestasaun Saúde hosi Ministériu Saúde, Odete da Silva Viegas ba Tatoli hafoin selebrasaun loron mundiál imunizasaun ne’ebé realiza iha sentru saúde Bekora, segunda, (24/4) esplika, númeru ne’e tanba profesionál saúde sira seidauk servisu ho di’ak.

Haktuir, sistema dijitál presiza tanba orientasaun Primeiru Ministru dehan, iha loron nasionál saúde postu saúde sira bele utiliza ona sistema dijitál hodi fó konsultasaun.

Kuandu programa saúde na família remata, sei submete ba Primeiru Ministru, Rui Maria de Araújo iha 20 maiu nu’udar loron nasionál independénsia Timor-Leste.

Programa saúde na família hanesan programa nasionál ne’ebé mai hosi V Governu Konstitusionál atu bele mellora povu nia saúde iha aldeia hamtuk 2.225 iha teritoriu Timor laran.

Durante ne’e, profesionál saúde servisu maka’as atu bele atinje objetivu, maibé kuandu programa saúde na família la konsege hotu entaun presiza haree tempu no posibilidade hodi kontinua to’o remata.

Manuál besik kompleta, maibé iha RAEOA sei menus. Hein katak tempu badak Oe-Cusse mós bele alkansa pursentu 100.

Entretantu, Xefe Governu hateten programa saúde na família buka atu lori ba to’o família, hein katak 2017, sistema dijitálizasaun bele kompleta atu bele uza iha sentru saúde hodi halo konsultasaun.

Jornalista: Zezito Silva

Editora: Rita Almeida

HUSIK IDA HATÁN