Prezidenti Repúblika Populár Xina Kongratula Lú-Olo

0
62
Embaixadór Repúblika Popular Xina ba Timor-Leste, Fu Yuangcong, entrega karta kongratulasaun ba Prezidenti Repúblika Eleitu, Dr. Francisco Guterres Lú-Olo. Imajen Mídia CCF

DILI (TATOLI)— Prezidenti Repúblika Populár Xina, Xi Jinping, hato´o karta kongratulasaun ba Prezidenti Repúblika Eleitu periodu 2017-2022, Dr. Francisco Guterres Lú-Olo, ne´ebé hetan vitória iha eleisaun prezidensiál, 20 Marsu liu-ba.

Karta kongratulasaun refere entrega diretamente hosi Embaixadór Repúblika Popular Xina ba Timor-Leste, Fu Yuangcong, iha sede Comité Central da FRETILIN (CCF), Segunda (03/04/2017).

“Liuhusi karta ida ne´e nia  (Prezidenti Repúblika Populár Xina) hato´o felisitasaun ba ha´u no deklara mós katak Timor-Leste ho Xina kontinua mantein relasaun bilaterál entre rai rua ne´e,” Lú-Olo dehan ba jornalista sira iha sede CCF.

Iha biban ne´e, Lú-Olo mós manifesta Embaixadór Repúblika Popular Xina katak relasaun entre Xina no Timor-Leste metin hori uluk kedas ona, la´ós foin hahú. Nia promete katak iha futuru sei hametin liu-tan kooperasaun bilatrerál entre nasaun rua no relasaun amizade entre povu nasaun rua.

Jornalista: Xisto Freitas

Editor: Gantry Meilana

HUSIK IDA HATÁN