Prezidenti IPU Kuñese Ona Lú-Olo

0
244
PPN Aderito da Costa Hugo, lidera diskusaun Asembleia IPU.

DILI (TATOLI) — Prezidenti Parlamentu Nasionál, Aderito da Costa Hugo, iha 1 Abril fó kuñese Prezidenti eleitu Timor-Leste ba períodu 2017-2022 ba Prezidenti Inter Parliamentary Union (IPU), Saber Hossain Chowdhury iha Bangla Internasional Conference Center, Dhaka City iha Banglades.

“Prezidenti Parlamentu Nasionál informa ba Prezidenti IPU katak, Prezidenti da repúblika Timor-Leste ne’ebé mak eleito hosi rejultadu elisaun iha Timor-Leste foin lalais ne’e mak Francisco Guterres Lú-Olo ba Prezidenti IPU iha sira nain rua nia enkontru,” Asesor Prezidenti Parlamentu Nasionál, Júlio Tómas Pinto informa ba Agensia TATOLI iha Dhaka City iha Banglades, via telefone, Tersa (04/04).

Durante enkotru entre ulun boot Timor-Leste ho nia ómolgu Prezidenti IPU, Aderito Hugo informa mós kona-ba realizasaun elisaun Prezidensial iha 20 Marsu liu ba hosi prosesu Pra eleisaun, eleisaun no hafoin eleisaun.

Entertantu ulun boot Timor-Leste hatutan tanba Prezidenti IPU nian kona ba preparasaun Timor-Leste nia hafoin realiza tiha elisaun Prezidensial hein tan fulan balun nia laran hodi selebra tan festa demokrasia iha elisaun lejislativu atu hili membru Parlamentu foun no formasaun governu hodi ka’er ukun no bandu durante períodu 2017-20122.

Delegasaun Timor-Leste iha konfrensia IPU ne’e kompotu hosi Prezidenti Parlamentu Nasionál, ho nia asesor Internasionál Bruno Lancastre, Asesor Nasionál Júlio Tómas Pinto, sektetáriu Jerál Mateus Belo.

Tuir informasaun enkontro Inter-Parliamentary Union ne’e sei ramata iha aban, Kuarta (05/04/2017) no sei kontinua fali iha fulan Outubro tinan ida ne’e Rusia.

IPU nu’udar organizasaun mundial Parlamentu sira nian, ne’ebé servisu hamutuk hodi estabelese demokrasia, pas iha koperasaun entre povu.

Jornalista: Manuel Pinto

Editor: Gantry Meilana

 

HUSIK IDA HATÁN