PN Aprova Lei Investimentu Ho Unanimidade

0
124
Deputadu sira iha Parlamentu Nasionál. Foto espesiál

DILI, (TATOLI) – Parlamentu Nasionál (PN) iha tersa, (25/4) aprova ona finál globál ba lei investimentu ho votu unanimidade, a favór 52, laiha kontra no abstein.

Deputada Maria Angêlica Rangel hosi bankada FRETILIN husu atu governu mós prosesa lei tributária, nune’e aplikasaun lei investimentu bele la’o tuir nia natureza. Bainhira la-halais lei tributária, lei ne’ebé mak aprova ona sei labele aplika.

“Preokupasaun mak lei tributária seidauk aprova, oinsá ho servisu TradeInvest nian”, deputada preokupa liuhosi nia intervensaun iha plenária antes halo votasaun.

Hatan ba preokupasaun ne’e, Ministru Kordenadór asuntu Ekonomia, Estanislau Aleixo da Silva dehan lei tributária nia viatura prontu ona, maibé seidauk bele halo aprovasaun iha Konsellu Ministru tanba Ministru Planeamentu Investimento Estratéjiku, Kay Rala Xanana Gusmão mak husu atu adia tanba problema negósiasaun Fronteira Marítima.

“Ita hein katak governu foun ne’ebé mak sei mai bele halo aprovasaun e lei investimentu rasik entre e vigór iha 2018”, Estanislau esplika.

Funsaun Trade Invest hahú agora to’o janeiru 2018 mantein fó sertifikasaun ba investimentu, maibé depois janeiru 2018 TradeInvest sei konsentra de’it oinsá halo promosaun.

Jornalista: Manuel Pinto

Editora: Rita Almeida

HUSIK IDA HATÁN