PM-Lú-Olo Deskute Preparasaun Tomada Posse

0
78
Primeiru Ministru, Rui de Araújo bainhira hasoru malu ho Prezidente Repúblika eleitu, Francisco Guterres Lú-Olo iha Comité Centrál Fretilin, kuarta, (19/4). Foto Gabinete Primeiru Ministru

DILI, (TATOLI) – Primeiru Ministru, Rui Maria de Araújo no Prezidente eleitu, Francisco Guterres Lú-olo iha kuarta (19/4) hasoru malu hodi deskute preparasaun ba seremónia tomada de posse iha loron 20 fulan-maiu 2017.

ʺSorumutu ne’e hodi governu nian naran hato’o parabéns nomos liliu ko’alia kona-ba prosesu tomada de posse ne’ebé hala’o iha 20 de maiu Tasitoluʺ, Primeiru Ministru ba jornalista sira iha Comité Centrál Fretilin (CCF) Komoro Dili.

Xefe Governu hatutan, Ministériu  Administrasaun Estatál no Obrás Públikas maka toma konta ba preparasaun tékniku no lojistíku. Enkuantu, Ministériu Negosiu Estrangeiru no Koperasaun maka atende servisu  protokolu.

Sorumutu ne’e, Xefe Estadu eleitu husu ba lider governante atu organiza xefe suku 442 hodi partisipa  seremónia ne’e.

ʺAmi ko’alia mós iha posibilidade hodi konvida xefe suku sira, orgaun suku sira para partisipaʺ, katak.

Jornalista: Agapito dos Santos

Editora: Rita Almeida

HUSIK IDA HATÁN