ParPol Nu’udar Alvu Mobilizasaun Masa ba Aktu Eleitorál

0
66
STAE iha kuarta, (11/4) halo enkontru ho partidu polítiku sira iha STAE Kaikoli, hodi ko'alia kona-ba papél iha eleisaun lejislativa. Foto TATOLI/Zezito Silva.

DILI, (TATOLI) – Diretór Jerál Sekretariadu Tékniku Administrasaun Eleitorál (STAE), Acilino Manuel Branco hateten Partidu Polítiku (ParPol) sira ne’ebé eziste nu’udar alvu prinsipál hodi mobiliza apoiante sira atu partisipa resensiamentu no atualizasaun baze dadus.

“Enkontru ho partidu polítiku sira atu fahe informasaun kona-ba papél sira nian atu mobiliza simpatizante sira atu partisipa iha aktu eleitorál, kna’ar fiskais partidu polítiku nian iha eleisaun parlamentár”, Acilino ba jornalista sira hafoin sorumutu ho fokál point partidu polítiku iha Kaikoli, kuarta (11/4).

Partidu ne’ebé marka prezensa iha STAE mak Partidu Libertasaun Populár (PLP), Uniaun Demokrátiku Timorense (UDT), Partidu Esperansa Povu (PEP), Partidu Republikana (PR), Partidu Povu Timorense (PPT), Partidu Demokrátiku (PD), Klibur Haburas Unidade Nasionál Timor Oan (Khunto), Bloku Unidade Populár (BUP), Frente Revolusionariu Timor-Leste Independente (Fretilin), Partidu Demokrátiku Kristaun (PDC), Frente Mudansa, Unidade Rezisténsia Timorense  (Undertim), Partidu Demokrátiku Populár (PDP), Sentru Asaun  Demokrátiku (CASDT), Congresu Nasionál Reconstrusaun Timorense (CNRT), Asosiaun Monarkia Populár Timor (AMPTL), Partidu Timorense Demokrátiku (PTD). Entretantu, partidu polítiku balun la marka prezensa.

Hafoin reuniaun, Acilino hateten informasaun partilla hotu ba ParPol sira maibé balun la marka prezensa, sei konvida nafatin atu bele servisu ho kolaborativu, nune’e bele garante partisipasaun eleitorál iha festa demokrásia.

Hatutan, totál ParPol ladauk hatene loloos tanba ne’e responsabilidade Komisaun Nasionál ba Eleisaun.

Atu garante partisipasaun eleitorál iha festa demókrasia presiza tuir resensiamentu ne’ebé hahú iha loron 8 fulan-abril to’o 26 Maiu no eleisaun lejislativa sei akontese iha 8 Jullu.

Jornalista: Zezito Silva

Editora: Rita Almeida

HUSIK IDA HATÁN