Parpol Barak Laiha Ideologia

0
205
Mário Viegas Carrascalão.

DILI (TATOLI) — Prezensa partidu politiku (parpol) iha Timor-Leste dadauk ne’e, hosi oklu eis Partidu Social Democratiku (PSD), Eng. Mario Viegas Carrascalão barak mak laiha ideologia no balun lahatene tan nia ideologia.

Ho nune’e eis politikus jerasaun 1975 ne’e husu ba parpol ne’ebé dadauk ne’e ejiste iha Timor-Leste atu esplika lolos sira nia idiologia iha pra eleisaun lejislativu (parlametar) periodu 2017-2022.

Parpol sira tenki halo esplikasaun tanba Fundador PSD ne’e observa katak, ohin loron iha Timor-Leste akontese mistura entre idiologia.

“Partidu balun apesar dehan katak sira Sosiál Demokrata apoia fali partidu liberal sira. Balun fali dehan sira eskerda, maibé servisu hamutuk ho extrima direita sira. Balun nian independentista, maibe servisu hamutuk ho otonomista sira,” Mario Viegas Carrascalão haktuir ba Agensia Noticioza Timor-Leste TATOLI via email, Kuarta (05/04/2017).

Nia dehan Partidu sira ne’ebé mak ohin loron iha, partidu barak maka ideologia la iha. Ironiku liu tan, partidu barak mak hanoin hanesan hela, maibé hakarak forma fali grupu ida mesa-mesak.

Husu atu partidu sira iha pra-elisaun, esklarese lolos ida-idak nian ideologia politika no ida-idak nian modelu de desenvolvimentu iha sektor ekonomiku (agrikultura, komersiu, industria), sektor sosiál (saude, edukasaun) no sektor polítiku rasik tanba ohin loron difisil tebes públiku halo difinisaun lolos ba partidu sira nia sira nia ideologia.

Hatan kona ba polimika sistema bareira iha elisaun lejislativu ne’ebé muda hosi 3% ba 4% no oras ne’e lei refere iha Prezidenti da Repúblika atu estuda hodi promulga, Carrascalão dehan, Lei ne’ebé kria barreira foun 4% mos la baseia ba realidade Timor karik? Iha konstituisaun temi sistema multipartidarismu, maibé iha pratika agora dadaun nian ne’e tendensia atu iha partidu uniko iha Timor-Leste ba futuru mai.

“Indikador mak ita haree ohin loron iha Parlamentu Nasionál mós opozisaun la iha ona, sera que sira nian polítika ne’e bele konvense povu atu vota ba sira iha 2017? Se diferente, lolo’os sira tenke defende iha Parlamentu Nasionál ida-idak nian programa. La’ós konsensu,” Carrascalão kestiona.

Iha Timor-Leste atu konkore ba elisaun lejislativu perídu 2017-2022 hamutuk partidu 30 resin ho bloku koligasaun ida mak oras ne’e rejistradu ona atu konkore.

Jornalista: Manuel Pinto / Editór: Gantry Meilana

HUSIK IDA HATÁN