Orsamentu Retifikativu Sei Realiza iha Agostu

0
87
Diretór Orsamentu Estadu, Salomão Yoaquim.

DILI, (TATOLI) – Tuir planu tékniku Ministériu Finansa (MF) orsamentu retifikativu tenke mosu tanba estrutura governu foun no sei realiza iha fulan-Agostu hafoin toma pose estrutura foun Estadu nian.

Diretór Nasionál Orsamentu Estadu, Salomão Yoaquim iha edifísiu MF informa, horisehik, bazeia ba lei orsamentu, governasaun foun mai no muda estrutura uitoan de’it tenke iha orsamentu retifikativu.

“Oráriu fiksu ona ne’ebé hili ona hosi prezidente foun bainhira hala’o fali eleisaun parlamentár iha jullu no agostu iha tomada pose ba governu foun signifika hahú ona preparativu ba orsamentu retifikativu”,katak tan.

Planu tékniku ne’ebé hato’o ona  no aliña ho kalendáriu eleisaun sei akontese iha fulan refere no la’o durante fulan rua de’it.

“Iha ona estratéjiku sombra ba preparativu no iha previzaun katak sei la-akontese mudansa boot  maibé karik em termos de estrutura la-impede ba OJE 2018”, dehan.

Fulan-maiu hahú ona jornada orsamentál 2018 ne’ebé klaru iha mudansa ruma bainhira diskusaun retifikativu hotu, iha kedan ona ajustamentu ba OJE 2018.

Iha tinan 2016 Parlamentu Nasionál aprova iha loron 13 jullu ho unanimidade orsamentu retifikativu U$391 millaun resin ba konta públiku  no harii komisaun ida ne’ebé halo fiskalizasaun ba tusan Estadu nian.

Orsamentu ne’e kobre ba projetu boot mak portu Tibar, drainazen Dili laran, projetu Supply Base Suai-Beasu (projetu Tasi Mane) no pagamentu ba divída governu nian ba projetu emerjénsia tomak. Ho aumentu orsamentu jerál estadu U$391 millaun ne’e, bainhira soma hamutuk, totál dezpesa Estadu ba 2016 USD$ 1.952,9. 

Jornalista: Maria Auxiliadora

Editora: Rita Almeida

HUSIK IDA HATÁN