Orgullu, Oan Reprezenta Nasaun

0
194
Prezidenti LFA, Nilton Gusmão Santos (liman karuk), João Pedro (klaran) no Prezidenti Sporting Clube de Braga Portugal (loos). Imajen Mídia LFA

DILI, (TATOLI) – José Domingos da Silva Freitas nu’udar aman hosi jogadór AD SLB Laulara, João Pedro Freitas, kontenti tanba nia oan bele estájiu iha Portugal, Sporting Clube de Braga hanesan klube boot.

“Ha´u hanesan aman fó liberdade tomak ba ha’u nia oan atu ba ezerse ninia talentu iha klube boot iha Portugal. Ami família kontente tanba ami nia oan bele hetan oportunidade reprezenta Nasaun iha Portugal”, José ba jornalista sira iha Hotel Timor, Kuarta foin lalais, hafoin asisti seremónia komprimisu estájiu entre João Pedro Freitas ho Prezidenti Sporting Clube de Braga, António Salvador da Costa.

Nia dehan tan, seidauk hatene João Pedro nia kontratu oinsá tanba seidauk informadu kona-ba asuntu ne’e. José informa SLB Laulara ho Sporting Clube de Braga maka iha liña koordenasaun, la’ós ho família.

José haktuir loloos João Pedro estájiu iha Sporting de Lisboa no Benfica tanba asina ona kontratu ho ajénsia ida hosi Korea ne´ebé atu fasilita João Pedro ba klubu refere maibé la konsege tanba Prezidenti Liga Futeból Amadora, Nilton Gusmão Santos kontaktu fali Sporting Clube de Braga. 

Jornalista: Xisto Freitas

Editora: Rita Almeida

HUSIK IDA HATÁN