Ohin, ME Inagura Laboratóriu EBS 30 Agostu

0
69
Ezemplu fasilidade laboratorium. Foto google

DILI, (TATOLI) – Ministériu Edukasaun (ME) ohin, (21/4) sei inagura laboratóriu Ensinu Báziku Sentrál (EBS) 30 Agostu Komoro.

Tuir komunikadu ne’ebé Tatoli asesu, inagurasaun sei hala’o diretamente husi Ministru Edukasaun I, Dulce de Jesus Soares nomós asina plaka hamutuk ho diretór KOICA (Korean International Cooperation Agency), Hyeong Cheol Kang ho Diretór UNESCO (United Nations Educational, Scientific and Cultural Organization), Jakarta, Shabaz Kahn.

Alende ne’e, lansa mós livru ezersísiu siénsia no matemátika nível 3o siklu nian nu’udar atividade individuál hodi fasilita alunu sira atu buka nafatin no koko tan buat ruma hodi hetan informasaun.

Livru ezersísiu ne’e liga metin ho manuál prátika no matadalan siénsia no matemátika ba nível 3o siklu ne’ebé públika iha janeiru 2016.

Livru ezersísiu bele sai hanesan pergunta banati ba ezame nasionál liliu fasilita mos mestre sira atu atria estudante sira-nia interese liuhusi halo estimulasaun ba estudante sira ho pergunta hirak ne’e nu’udar motivasaun ba estudante sira atu koko rasik esperimentu sira bainhira sira iha interese atu hatene kle’an liutan resposta ba pergunta sira.

Ho objetivu hirak ne’e, SESIM (Sentru Prátika Siénsia no Matemátika) nu’udar sub-divizaun ida iha KNTLU produz livru ezersísiu atu tulun estudante sira hodi kreativu liutan.

KNTLU-SESIM hetan apoiu maka’as husi ME nu’udar na’in ba programa ne’e, KOICA-TL no UNESCO, Jakarta hodi elabora livru ne’e.

Partisipante ba eventu ne’e sei mai husi diretór jerál, nasionál no xefe departamentu husi ME, KNTLU, diretór EBS no sekundáriu, universidade sira liliu fakuldade siénsia edukasaun, mestre no estudante sira.

Jornalista: Rafy Belo

Editora: Rita Almeida

HUSIK IDA HATÁN