Moras HIV/SIDA Estraga Sosiedade Saudável

0
186
Ilustrasaun kampaña HIV/AIDS. Foto google

DILI, (TATOLI) – Ema ne’ebé mak afetadu moras Human Immunodeficiency Virus and Acquired Immunodeficiency Syndrome (HIV/SIDA) sei estraga sosiedade ne’ebé saudável no impaktu ba kontribuisaun dezenvolvimentu nasionál.

Sekretáriu Ezekutivu, Komisaun Nasionál Kombate HIV/SIDA, Daniel Marçal ba Tatoli hafoin halo sosializasaun ba komunidade iha administrasaun munisípiu Dili, kinta (20/4) kona-ba prevensaun moras HIV/SIDA.

Dadus HIV/SIDA ne’ebé mak rejistu iha Ministériu Saúde hamutuk ema 641, feto 312 no mane 330, hosi sira ne’e, mate hamutuk 80.

Moras afetadu sira hosi joven feto no mane ho idade 25 to’o 44, signifika kuandu númeru aumenta bele fó impaktu ba sosiedade ne’ebé isin di’ak.

Tuir nia, komisaun kontinua halo sosializasaun ba povu tomak oinsá ema iha koñesimentu kle’an HIV/SIDA hodi halo prevensaun tanba sexu livre bele hamate ema nia vida.

Sosializasaun halo loroloron iha teritóriu Timor ho rezultadu hamosu ema nia konsiénsia atu labele halo relasaun sexuál ho ema barak maibé ho parseiru de’it.

Jornalista: Zezito Silva

Editora: Rita Almeida

HUSIK IDA HATÁN