MJ Aprezenta Lei Kriasaun Orden Advogadus ba PN

0
57
Deputadu Arão Noe. Foto Espesiál

DÍLI (TATOLI) – Atu regulariza advogadus pivadu sira iha Timor-Leste, Ministeriu Justisa (MJ) aprezenta Lei Kriasaun Orden Advogadus ba Komisaun A Parlamentu Nasionál.

Lei refere aprezenta hosi Ministru Justisa, Ivo Valente, Kuarta (05/04/2017) hodi halo audensia ho komisaun A.

Deputadu PN Komisaun A, Arão Noe esplika, iha lei kriasaun ne’e husu atu kria estatutu advogadus, maibé Komisaun A sujere  ba Governu haketak kriasaun estatuto advogadus ho lei seluk.

ʺLei ne’e atu regulariza advogadus privadu hala’o kna’ar iha Timor-Leste. Estatuto advogadus ne’e tenke deskuti husi asembleia advokasia sira maibé tenke submete mai parlamentu hodi hetan aprovasaun hodi sai baze legál,ʺ tenik Deputadu ne’e.

Iha audénsia ne’e parte governu no komisaun A konkorda hodi adia diskusaun ba lei kriasaun estatuto advogadus.

Tuir deputadu ne’e katak hafoin komisaun A halo relatóriu pareser sei haruka ba meja Parlamentu Nasionál hodi diskute no aprova.

ʺAmi konkorda hodi fahe matéria rua ne’e konaba orden advogadus bele aprova ho lei agora no Estatuto husik ba aban bainrua maka aprova,ʺ dehan Arão Noe.

Ministru Justisa Ivo Valente hateten, governu no Komisaun hetan ona konsensu hodi  kria orden advogadus no adia diskusaun ba estatutu advogadus.

ʺGovernu sei hetan fali proposta ida husi advogadu sira atu haruka fali mai Parlamentu hodi deskuti no aprovaʺdehan Ministru Ivo Valente.

Sistema justisa Timor-Leste,  estabelese bazeia ba konstituisaun RDTL  artigu 118 too 135 ne’ebé koalia konaba  funsionamentu tribunál tanba advogadu parte husi tribunál.

Jornalista: Agapito dos Santos / Editor: Gantry Meilana

HUSIK IDA HATÁN