Lú-Olo Husu Taur Dekreta Loron Eleisaun

0
148
Prezidente eleitu, Francisco Guterres Lú-Olo ho ninia ekipa tranzisaun bainhira hasoru malu ho Prezidente Repúblika sesante, Taur Matan Ruak iha Palásiu Prezidensiál Bairopite foin lalais ne'e. Foto mídia CCF

DILI, (TATOLI) – Prezidente Repúblika eleito, Francisco Guterres Lú-Olo husu ba Prezidente Repúblika, Taur Matan Ruak atu dekreta loron eleisaun lejislativu, nune’e festa demokrasia bele la’o tuir nia dalan no tempu.

“Ha’u husu ba sua execelénsia Prezidenti da Repúblika, Taur Matan Ruak se bele karik, dekreta data eleisaun hodi hala’o prosesu eleisaun lejislativu ne’e regularmente. Katak, tuir nia dalan no tuir nia tempu”, Lú-Olo ba TATOLI iha sede Comité Centrál FRETILIN, Komoro, kuarta (19/4).

Bainhira lei ne’e la-dekreta ohin loron to’o tuku 24.00 loron, signifika eleisaun parlamentár sei atraza no bele akontese iha fulan ikus agostu.

Basa Prezidenti foun mak sei dekreta. Realidade mak, Xefe Estadu foun simu pose iha loron 20 fulan-maiu. Sura hosi loron 21 maiu mak foin servisu, tanba ne’e bele dekreta data eleisaun, maibé  la-tuir fali ona loron ne’ebé mak antes ne’e governu aprejenta iha loron 8 jullu tinan ne’e.

Nune’e Lú-Olo dehan, eleisaun halai liu prazu automatikamente nia implikasaun sei mosu barak. Implikasaun ida mak, formasaun governu, ida seluk mak orsamentu raktifikativu. Buat hirak ne’e hotu sei sai konfuzaun.

Jornalista: Manuel Pinto

Editora: Rita Almeida

HUSIK IDA HATÁN