Lú-Olo Hili Tenente Koronel Maucalo ba Xefe Casa Militár

0
777
Prezidente eleitu, Francisco Guterres Lu-Olo ho Prezidente sesante, Taur Matan Ruak hasoru malu iha Palásiu Prezidensiál foin lalais ne'e. Foto espesiál

DILI, (TATOLI) – Tenente Koronel FALINTL-FDTL, António Soares da Silva alias  Maucalo maka hetan fiar hosi Prezidente eleitu Francisco Guterres Lú-Olo hodi asume kargu nu’udar Xefe Casa Militár iha Palásiu Prezidensiál Bairo-Pite Dili.

“Maucalu maka  Xefe Casa Militár, ha’u ko’alia no haruka ona karta ba komandu F-FDTL no ofisiál ba Ministru Defeza atu eskolla ida ne’eʺ, dehan Lú-Olo hafoin hasoru malu ho Prezidente Repúblika sesante, Taur Matan Ruak iha Palásiu Prezidensiál, sesta, (21/4).

Komandante Maucalo konkorda ho kna’ar ne’e. ʺKlaru nia konkorda maibé karta resposta ofisiál husi komandu F-FDTL no ministériu defeza seidauk haruka mai”, tenik.

Enkuantu Xefe Casa Sivíl seidauk eskolla tanba sei iha prosesu diskusaun. “Seidauk iha xefe casa sivíl tanba ekipa tranzisaun remata servisu maka ami sei eskolla”, hatutan.

Enkontru ne’e, parte rua  ko’alia mós  kona-ba prosesu tomada posse iha loron 20 fulan oin.

Jornalista: Agapito dos Santos

Editora: Rita Almeida

HUSIK IDA HATÁN