Labarik Ida Mout Tan Iha Tasi

0
83
Komunidade hasai matebian hosi tasi laran. Foto Tatoli/Agapito dos Santos

DILI, (TATOLI) – Paul de Deus tinan 14 hosi postu administrativu Letefoho, munisípiu Ermera, segunda (17/4) mate tanba mout iha tasi área Karantina Tasitolu, Dili.

Tuir bin hosi matebian, Dulce Fatima hateten, vítima ho nia alin segunda ohin foin hosi Letefoho mai Dili atu vízita família. “Ohin foin tun hosi Letefoho to’o Dili tuku 13.00 depois seidauk deskansa kontinua kedas ba haris tasi ho nia alin Leonardo”, konta Dulce iha Tasitolu.

Dulce haktuir kronolojia katak hafoin haris kuaze oras ida, alin hosi matebian hakilar katak vítima mout iha tasi.

“Ami tein hela depois labarik hakilar Ameta (Paul de Deus) mout depois ami husik hela hahan, ami halai hotu ba tasi ibun hodi buka tuir”, tenik.

mate isin oras ne’e rai iha uma família fatin Karantina Tasitolu hafoin komunidade sira hasai mate isin hosi tasi laran. Enkuantu alin hosi matebian oras ne’e evakua ona ba ospitál hodi hala’o tratamentu tanba hemu tasi ben barak e polísia forensika foti ona dadus hosi akontesementu ne’e.

Jornalista: Agapito dos Santos

Editora: Rita Almeida

HUSIK IDA HATÁN