Kongresu FFTL Realiza Hafoin Eleisaun Parlamentár

0
73
Prezidenti FFTL Interinu, Osorio da Costa Florindo

DILI, (TATOLI) – Prezidente Federasaun Futeból Timor-Leste (FFTL) Interinu, Osorio da Costa Florindo informa terseiru kongresu Federasaun Futeból Timor-Leste (FFTL) sei hala’o hafoin eleisaun parlamentár.

Nia esplika loron kongresu ne’e la’ós estrutura FFTL maka deside maibé Fédération Internationale de Football Association (FIFA) no AFC (The Asian Football Confederation) maka indika.

“Ami konfirma ona FIFA maibé FIFA hateten katak tanba iha Timor oras ne’e iha ámbitu eleisaun parlamentár, ne’e duni FIFA no AFC deside eleisaun hotu tiha maka hala’o kongresu”, Osorio informa ba jornalista sira iha Hotel Timor, kuarta (12/4).

Oras ne’e, nia haktuir, prepara hela mekanizmu kongresu no konfirma nia la’ós prezidente maibé prezidente interinu hodi halo preparasaun ba kongresu.

“Diferensa ne’e maka kompeténsia tomak iha ha’u atu halo preparasaun ba kongresu no hadi’a uma laran”, dehan Osorio hodi responde públiku nia preokupasaun kona-ba kargu prezidenti interinu FFTL ne’ebé asume la-liuhusi kongresu.

Atuál deputadu bankada FRETILIN afirma kargu sekretáriu jerál FFTL ne’e la’ós kongresu maka hili maibé reuniaun ezekutivu, estrutura no asosiasaun futeból sira túr hamutuk hodi hili.

Jornalista: Xisto Freitas

Editora: Rita Almeida

 

HUSIK IDA HATÁN