Kodigu Sivíl ‘Ignora’ Komunidade Protestante-Musulmanu

0
207
Komunidade protestante iha Timor-Leste. Foto espesiál

DILI, (TATOLI) – Komunidade protestante no musulmanu konsidera lei kodigu sivíl Timor-Leste artigu 1475 ignora sira nu’udar sidadaun ba Nasaun ne’e nian.

“Ami prepara ona karta para hato’o ba Parlamentu Nasionál (PN) konaba kazu ida ne’e. nune’e mós sei fó karta ba Ministériu Justisa”, Moderatór Protestante, Lorenço dos Santos ba TATOLI via telefone, kuarta (12/4).

Asaun protesta ne’e tanba artigu ne’e la-sita relijiaun seluk, so temi de’it Katólika. “Ami la hatene tanbasa mak mosu artigu ida hanesan ne’e iha lei kodigu sivíl, paskua ramata ami sei entrega karta protesta ba Paerlamentu Nasionál”, reforsa.

Karta ne’e ne’ebé sei entrega, asina hosi ulun boot igreja protestante sira inklui lider muslumanu sira.

Basa durante ne’e sira infrenta problema bainhira trata dokumentu atu servisu iha estranjeiru no mós halo rejistu sivíl.

Tuir artigu ne’e iha pontu 2 hateten ”A Lei Civil reconhese valor e eficácia de casamento ao matrimónio católico e ao matrimónio barlaqueado monogâmico, nos termos das disposições seguintes” (lei sivíl rekoñese valór efikasia kazamentu matrimonio Katólika no Matrimonio Barlakiadu Monogámiko, tuir termu sira ne’ebé tuir mai) la a favór relijiaun seluk.

Rezultadu sensus populasaun 2015 hatudu katak, relijiaun Katoliku iha sarani hamutuk 1,150,99. protestante 23,100. musulmanu 2,824. buddista 560, hindu 272, fiar ba tradisionál 918.

Jornalista: Manuel Pinto

Editora: Rita Almeida

HUSIK IDA HATÁN