KM Diskute Planu Resensiamentu Eleitorál iha Estranjeiru

0
62
Ministru Estadu asuntu Administrasaun Estadu no Justisa nomos Ministru Administrasaun Estatal, Dionísio Babo. Foto MECAAEJ

DILI, (TATOLI) – Konsellu Ministru, tersa, (25/4) halo diskusaun ba planu resensiamentu eleitorál ba timoroan sira iha rai liur.

“Ohin ami hato’o ba konsellu ministru hodi diskute bainhira aprova ona, entaun sei autoriza ekipa servisu hodi halo resensiamentu iha estrangeiru”, dehan Ministru Estadu asuntu Administrasaun Estadu no Justisa nomos Ministru Administrasaun Estatal, Dionísio Babo iha Palásiu Governu.

Planu governu ne’e hodi responde pedidu sidadaun timoroan iha Londres, Englatera, Seoul, Irlandia  ne’ebé husu partisipa iha eleisaun parlamentár, alende Austrália no Lisboa-Portugal.

Governante ne’e hateten, Ministériu Negosiu Estranjeiru no Koperasaun sei kontaktu nasaun tolu hodi halao resensiamentu eleitorál.

Ekipa mai hosi MNEK no Sekretariadu Tékniku Administrasaun Eleitorál (STAE). “Ita hein Konsellu Ministru aprova ona entaun ita sei hala’o ona”, tenik.

Jornalista: Agapito dos Santos

Editora: Rita Almeida

HUSIK IDA HATÁN