Klube Foun 12 Verifikadu Tuir Kompetisaun

0
83

DILI, (TATOLI) – Órgaun Liga Futeból Amadora husu ba klube foun sira ne’ebé maka seidauk involve iha Liga Futeból Amadora atu submete dokumentu komprovatóriu no lista jogadór ba administrasaun LFA iha loron 21-22 abril.

Objetivu atu klubu hirak ne’e bele partisipa iha kompetisaun ne’ebé LFA sei organiza ho sistema vota fora. Kompetisaun ba klubu foun sira sei hala’o iha Estádiu Munisipál Dili. Loron no kalendáriu sei fó sai hafoin klube sira hatama ona sira nia dokumentu no lista jogadór.

Bazeia ba reuniaun Órgaun Ezekutivu LFA iha 20 abril, LFA sei la distribui prémiu ka tasa ruma no LFA mós sei la-garante sustentabilidade ba klube foun ne’ebé la hetan promosaun ba joga Segunda Divizaun.

Bainhira liu tempu determina, LFA liuhusi Diresaun Administrasaun no Kompetisaun sei la simu kualker dokumentu no lista jogadór mai hosi klube sira.

Klube sira ne’ebé verifikadu hosi LFA atu tuir kompetisaun hamutuk 12 maka hanesan Lalenok United FC, FC Luro Irmãos Unidos, FC Liquiça, FC Imanuel, FC Leopa, FC Unidos Tokodede, FC Karau Fuik, AS Lero, FC Lero, FC LA MATEBIAN, FC Aimo no FC Fitun Estudante Lorosa’e.

Jornalista: Xisto Freitas

Editora: Rita Almeida

HUSIK IDA HATÁN