KKI-TL ho Governu Halo Akordu Mapeamentu ba Turizmu

1
119
Paizajen iha área Kristu Rei. Foto espesiál.

DILI, (TATOLI) – Kámara Komérsiu Indústria Timor-Leste (KKI-TL) halo ona akordu ho Governu atu halo mapeamentu iha área turizmu tanba prátika turizmu poténsia ba Nasaun maibé investimentu to’o agora sei fraku.

“Iha ona akordu no estudu mapeamentu ne’ebé agora daudaun halo iha ordenamentu ba área turizmu nian, depois hetan aprovasaun komesa halo ona implementasaun ba polítika ida ne’e”, hatete Vise Prezidente Kámara Komérsiu Indústria Timor-Leste (KKI-TL), João Alves, horisehik iha Liceu.

Aleinde atu diversifika ekonomia ne’ebé dependénsia boot ba setór konstrusaun sivíl bele halai ba setór produtivu, iha mós advokasia ne’ebé presiza tebes atubele fó apoiu ba empregu sira atu jestaun di’ak liu, katak nia.

Akontese ona treinamentu ba joven sira oinsá mak intreven iha servisu turizmu nian. Halo koordenasaun ho governu kona-ba kolaterál ne’ebé seidauk hetan aprovasaun, liuliu rai ne’ebé iha para serve kolaterál, oinsá mak Governu fó apoiu no garantia ba iha banku atu setór privadu sira bele hetan kréditu para bele komesa halo sira-nia mikro no pekena empreza liuliu ba indústria família atu nune’e família ida-idak iha nia negósiu no depende ba sira-nia investimentu rasik.

KKI-TL hamutuk ho banku sira forma individu hanesan empreza sira iha munisípiu atu iha entendimentu ida di’ak liután oinsá mak halo jestaun ba empreza rasik.

“Ami mós iha joven sira ne’ebé hamutuk ho ami para prepara sira ba futuru kuandu estudu sira ne’e hotu iha dependénsia katak eskola hotu tenke sai funsionáriu Estadu maibé oinsá mak iha negósia rasik no patraun ba sira-nia án rasik.

Jornalista: Maria Auxiliadora

Editora: Rita Almeida

1 COMMENT

  1. Atu bele kria fatin turizmo sai diversifikasaun ba dezemvolvimentu ekonomia nasaun nian atu OJE labele hein deit osan husi mina, maka governo presija tau atensaun maka’as ba empreza nasionais no local (empreza ki’ik, medium no bót sira) maibe presija iha meios atu supporta empreza sira liu-liu hare konaba atu hetan asesu ba modalidade.

    Iha meios ida maka atu bele hatur didiak kbi’it empreza sira nian liu husi Banco rua ida mak Banco do Commercio no ida fali maka naran Banco do Investimentu. Iha Timor Leste iha ona Banco Commercio de Timor Leste (BNCTL), maibe ninia prosentu a’as teb-tebes 8-14%, Oinsa maka empreza sira bele moris. Iha nasaun balun aplika deit prosentu 0.1% ita pela kontrariu. Sebele karik hatun ba 3/4 prosentu.

    Governo presija hare didiak tmb liu husi Banco do Commercio governo rasik mak investe osan 80% maibe la fó vantagem ida diak ba empreza sira tamba ho prosentu ida que bót.

    Governo so bele hetan lukro liu husi taxa nébe mak aplika ba empreza sira, maibe laos liu husi meios atu valoriza lukro liu husi Banco. Ho lala’ok ida hanesan né governo rasik mak hamate empreza sira nia moris.

    Tuir lolos empreza mak sei sai parceiro ida diak ho governo ba desemvolvimentu nasional tmb iha nasaun barak empreza mak sei hatama lukro maka’as ba governo no sai faktoris prinsipal ba desemvolvimentu.

    Ba oin governo presija remodela sistema hodi bele atrai empreza sira atu bele hetan asesu ida diak ba modalidade ho prosentu ida ki’ik atu bele fó vantangem ba mudansa desemvolvimentu ekonomia ida diak iha tempo oin mai.

HUSIK IDA HATÁN