Joga ho Pasénsia Manán SLB

0
31
Ekipa Cacusan CF

DILI, (TATOLI) – Prezidenti Cacusan CF, João Maneco Soares hateten antes sira hakat mai joga, mosu persepsaun oi-oin hosi jogadór sira katak susar tebes atu manán SLB maibé nia fó korajen ba ninia jogadór sira katak laiha buat ida maka imposível.

“Ha´u dehan ba ha´u nia jogadór sira katak kuandu imi kumpri ha´u nia orientasaun no joga ho pasénsia, ita sei manán”, Maneco dehan ba jornalista sira iha Estádiu Munisipál Dili, Domingu horsehik, hafoin ramata jogu entre SLB no Cacusan.

Iha jogu horsehik ne´e, prezidenti Cacusan hola treinadór nia fatin hodi diriji jogadór sira tanba treinadór in-ativu ona hosi jestór klube, relasiona ho treinadór tuan, Vasco Fernandes falla atiinji pontus 15.

“Akordu ne´ebé maka ami halo ho treinadór tuan maka tenki buka pontus 15 maibé realidade jogu haat ne´ebé maka liu ne´e la konsege atinji mehi. Tanba ne´e maka manajementu klube deside in-ativa treinadór tuan”, haktuir.

Jornalista: Xisto Freitas

Editora: Rita Almeida

HUSIK IDA HATÁN