IJS Hetan Aimoruk Expire iha Klinika Bailing no Kura Hao

0
77
Foto Espesial

Dili, (TATOLI) – Ministériu Saúde (MS) liuhosi Inspesaun Jerál Saúde (IJS) iha nia inspesaun ba klinika no apotek (fatin fan aimoruk), hetan aimoruk expire iha klinika Bailing no Kura Hao.

Iha inspesaun ne’e, ekipa IJS hetan aimoruk expire iha klinika rua ne’e hamutuk ho aimoruk seluk ne’ebe la expire.

Ba Ajénsia Notisioza TATOLI, nain Klinika Bailing, Liu Bailing rekonese kestaun ne’e no esplika katak aimoruk expire ne’ebe IJS hetan liu hosi inspesaun, klinika laiha hanoin atu fan ba konsumidor.

“Ministériu Saúde (MS) liuhosi Inspesaun Jerál Saúde (IJS) inspesiona Klínika Bailling ho Kura ne’ebé faan aimoruk liu loron tanba momentu inspesaun tun seidauk hasai iha fatin hodi lori ba sunu maibé la siginifika atu uza hodi atende ba pasiente sira” Diretór Klínika Bailling, Liu Bailling ba  iha nia servisu fatin, Fatuhada, Kuarta (05/04/2017).

Tuir Diretór Klínika Bailling, Aimoruk ne’ebé tempu liu hanesan Antibiótika maibé empregadór sira foti ona tau ketak hodi lori ba sunu, maibé derepente inspesaun mai, aimoruk ne’e sei iha fatin jerál entaun sira deskobre dehan, aimoruk ne’e sei faan maibé tuir lolos la’e.

“Aimoruk antibiótika ho modelu ida de’it, la’os barak, antibiótika ne’e atu uza hodi kose kuandu ema moras ho liman bubu, ain naksala,” nia esplika.

Durante ne’e Klínika Bailling halo koordenasaun ho ministériu saúde iha departamentu farmásia, ministériu justisa. Kada domingu sempre iha enkotru ho sira atu bele fahe informasaun nafatin ba malu oinsa mak atu kontrola aimoruk.

“Klínika sempre fo atendimentu di’ak ba pasiente sira ho objetivu atu fo tratamentu di’ak no fo aimoruk ne’ebé di’ak ba ema moras sira” Diretor Bailling esplika.

Klínika Bailling eziste durante tinan 13 ona, maibé ladauk iha problema ruma akontese iha Klínika ne’e rasik tanba fo atendimentu di’ak ba pasiente sira tantu rai laran no rai liu.

Entretantu, Nain ba Klinika Kura Hao, Lision Nheu konsidera aimoruk ne’e la hanoin atu faan tanba tempu liu ona maibé ema seidauk lori ba sunu iha Tibar.

Hosi iregularidade hirak ne’e, ministériu saúde sei fo notifikasaun ka sansaun ou koimas no ikus liu sei taka totalmete atividade ba farmásia ka klínika sira ne’ebé kontra regulamentu tuir dekretu lei ne’ebé mak entabelese iha nasaun RDTL.

Bazeia Dekretu Lei númeru 12/2004 atu hare aimoruk ne’ebé liu prazu, tenke rejistu importasaun aimoruk, presiza justifika produtu  aimoruk, tenke iha dokumentu legál, rejistu medikamentu iha MS.

Jornalista: Zezito Silva / Editor: Gantry Meilana

HUSIK IDA HATÁN