Governu Sei Aumenta Sentru Votasaun iha Eleisaun Parlamentar

0
191
plenaria

DILI (TATOLI)— Bazeia ba taxa partisipasaun eleitor iha Eleisaun Prezidensial, 20 Marsu 2017 liuba, governu planeia ona atu aumenta sentru votasaun hodi bele fasilita eleitor sira ne’ebe do’ok hosi sentru votasaun, liliu iha area remotas. 

Vise Ministru Administrasaun Estatal, Tómas Cabral informa katak, aprende ho lisaun Eleisaun Prezidensial ne’ebé mak taxa partisipasaun eleitór minimu, iha eleisaun Parlamentar (Lejislativu, red) governu sei aumenta tan sentro de Votasaun.

“Governu hanoin ona atu aumenta tan sentru votasaun iha eleisaun lejislativu hosi sentru votasaun 696 ba iha 700 ital,” Tómas Cabral informa asunto ne’e iha Parlamentu Nasionál, Segunda (04/03/2017).

Aleinde ida ne’e, aban (Tersa) governu liu hosi reniaun Konsellu Ministru sei aprova mós kalendariu kona ba aktualizasaun baze de dadus iha teritoriu Timor laran tomak inklui estranjeirus hanesan Portugal, Australia (Darwin ho Sidney).

Loron ba aktualizasaun baze de dadus ne’e tuir governu nia planu sei hahú iha 8 Abril.

Hatan kona-ba taxa partisipasaun elitór iha tinan ida ne’e menus, governante ne’e esplika katak taxa partisipasaun tun tanba kontribui hosi aspeitu teknika ho nune’e fallansu hirak ne’e governu hamutuk Sekreáriu Teknika Administrasaun Estatal (STAE) sei hadia iha futuru mai.

“Iha Dili foin lalais ne’e ema la vota barak liu, hafoin Baucau no Bobonaro, ami halo ona avaliasaun hamutuk ho STAE nune’e iha elisaun lejislativu tenki aktivu publikasaun mak di’ak liu tan,” Tómas haktuir tan.

No husu Prezidenti da Repúblika bele halo ona aprovasaun lalais ba dekreto prezidensial kona-ba elisaun parlamentar nia hodi nune’e fó biban ba STAE bele organiza an di’ak atu nune’e fallansu ne’ebé mak akontese iha elisaun Prezidensial la bele akontese tan.

Entertantu iha plenaria Deputadu Bankada FRETILIN sira kestiona katak, taxa partisipasaun iha eleisaun ne’ebé liu menus tanba ema barak mak mate.

“Taxa Partisipasaun tun tanba estruktura STAE la servisu ho di’ak,” Deputadu Antonino Bianco observa.

Deputadu Virgilho Hornay hosi bankada Partidu Demokratico konsidera taxa partisipasaun iha eleisaun tun tanba la aplika sistema vota livre nune’e orariu votasaun ne’ebé determinadu, tanba ne’e nia husu atu iha elisaun tuir mai tenki hadi’ak hikas.

Jornalista : Manuel Pinto 

Editor: Gantry Meilana

HUSIK IDA HATÁN