Governu Propoin 8 Jullu Eleisaun Parlamentár

0
79
Eleitor ida tau hela tinta ba nia liman fuan hafoin vota iah Eleisaun Prezidensial 20 Marsu 2017. Photo: TATOLI / Antonio Goncalves

DÍLI (TATOLI) – Relasiona ho realizasaun Eleisaun Parlamentár ne’ebe sedauk iha data fixu, Governu liu hosi Primeiru Ministru Rui Maria de Araujo propoin ona data 8 Jullu ba Eleisaun Parlamentár.

Eleitor feto ne’e ko’us hela nia oan wainhira vota ba sentru votasaun iha Villa Verde, Dili iha Eleisaun Prezidensial 20 Marsu 2017. Photo: TATOLI / Antonio Goncalves

ʺGovernu propoin data 8 Jullu, maibe Prezidente seidauk foti desizaun finál,ʺ dehan PM Rui Maria de Araujo ba jornalista sira, hafoin enkontru ho Prezidenti republika, Kinta (06/04/2017), iha Palasiu Prezidensiál Bairo-Pite, Aitarak Laran – Dili.

Iha enkontru semanál ne’e, Lidér Governu ne’e, informa mós ba PR Taur Matan Ruak konaba desizaun Governu hodi aprova planu resensiamentu eleitorál no aktualizasaun bazé de dadus ba sidadaun sira hodi partisipa iha Eleisaun Parlamentár.

Tuir kalendariu Sekretariadu Teknika Administrasaun Eleitoral (STAE), prosesu resensamentu no aktualizasaun baze de dadus hahu iha 8 Abril to’o 26 Maio 2017.

Jornalista: Agapito dos Santos / Editor: Gantry Meilana

HUSIK IDA HATÁN