Governu Nomea Ema Na’in Haat Sai Konsellu UNTL

0
183
Ilustrasaun

DILI, (TATOLI) – Governu liuhosi enkontru Konsellu Ministru (KM), tersa (25/04) nomea ona ema na’in haat hodi tama iha Konsellu Jerál Universidade Nasionál Timor Lorosa’e (UNTL) to’o 2021.

Ema na’in haat ne’e mak hanesan reprezenta husi membru governu Maria do Céu Sarmento da Costa, Ministra Saúde, Madre Guilhermina Marçal, reprezentante meiu relijiozu nian, Hernâni Soares, reprezentante husi setór privadu no Aniceto Barreto, reprezentante husi klibur no orden profisionál sira, ne’ebé hili ona nu’udar Prezidente ba Konsellu Jerál ida-ne’e.

Membru Konsellu jerál UNTL na’in haat ne’e hili entre ema na’in 15 ne’ebé forma ona órgaun konsultivu universidade públika ne’e rasik.

Bazea ba artigu 19º Konsellu Jerál iha nia kompozisaun no funsionamentu; 1) nu’udar orgaun deliberativu másimu iha universidade, aprova polítika, planu no regulamentu sira. 2) kompostu membru 15 no ezerse responsabilidade kona-ba planu estratéjiku sira, uza prioridade, dezenvolvimentu fasilidade sira, finansiamentu no jestaun rekursu nomós rekursu umanu.

Nune’e iha parte 3) Integra Konsellu Jerál. 4) Membru governu responsável husi ensinu superiór. a. Membru governu responsável husi finansa estadu nian ka reprezentante lejítima, sein direitu ba votu. b. Membru governu ida nomea husi Konsellu Ministru ka reprezentante lejítimu, iha direitu ba votu.

Parte c. Reitór UNTL nian ne´e profesór ida ka investigadór ho grau doutoradu, reprezenta husi fakuldade hitu (7) maka universidade. d. Entidade ne’ebé reprezentativa husi estudante sira. e. Membru sira ne’ebé referidu iha aliña e no f, eskolla iha númeru anteriór husi Konsellu Ministru nu’udar Konsellu Jerál sesante.

Hatutan iha f. Prezidente Konsellu Jerál nomeadu husi Konsellu Ministru; Reitór husi personalidade nain tolu rekoñesidu hanesan méritu referidu iha aliña g. g. Konsellu Jerál reúne ordinariamente dala ida kada trimester no ekstraordinariamente sempre konvoka husi Prezidente rasik. h. Mandatu Konsellu Jerál nian dura tinan lima hafoin renovável dala ida.

Notísia relevante, klik iha ne’e: http://timor-leste.gov.tl/?p=17782&lang=tp

Jornalista: Rafy Belo

Editora: Rita Almeida

HUSIK IDA HATÁN