Governu Kontinua Preokupa Partisipasaun Eleitór iha Eleisaun

0
42
Ministru Administrasaun Estatal, Dionísio Babo. Foto mídia MECAAEJ

DILI, (TATOLI) – Ministru Estadu Koordenadór asuntu Justisa no Ministru Administrasaun Estatál, Dionísio Babo Soares dehan tenke halo reflesaun iha abstensaun ho eleitór sira ne’ebé la-vota hamutuk pursentu 28,84 reprejenta eleitór 214.337 husi votante 643.150.

“Pursentu 28,84 la’ós númeru a’as maibé signifikante. Buka análize, haree ita nia kadernu eleitorál sira iha nível nasionál no diaspora hanesan Austrália no Portugal”, tenik govenante ne’e iha àmbitu XXI Semináriu kona-ba papèl sidadaun ba dezenvolvimentu no moris di’ak ho sub-tema: dame, justisa no tolerànsia atu hametin independènsia nasionál iha Sentru Konvensaun Dili, kinta (20/4).

Aumentu sentru votasaun hosi 693 ba 839 iha eleisaun parlamentár para fó oportunidade ba maluk sira iha área rural nomòs Inglatera.

Mesmu nune’e, Timor hetan apresiasaun tanba eleisaun la’o ho dame. Ida ne’e hatudu ba mundu katak, povu hahù hatudu ninia sivizmu hodi respeita valòr demokrasia.

“Ita nia povu hatudu maturidade no sivizmu ne’ebé a’as tebes  no laiha komparasaun ho Nasaun barak ne’ebé ukun-án ona iha tinan barak nia laran”, kompara.

Nune’e nia konsidera eleisaun foin liuba la’o ho livre, justu, transparánsia ho orden no garante liberdade eleitór sira.

Jornalista: Julia Chatarina

Editora: Rita Almeida

HUSIK IDA HATÁN