Governu Ezekuta ona Porsentu 31.2 Hosi OJE 2017

0
87
Foto Google

DILI, (TATOLI) – Governu ezekuta ona pursentu neen Orsamentu Jerál Estadu (OJE) 2017 iha inísiu trimestre daruak loron 1 to’o 18 fulan-abríl maibé realizasaun enjerál husi janeiru to’o abríl soma porsentu 31.2, inklui ho obrigasaun.

Diretór Orsamentu Estadu, Salomão Yoaquim.

Diretór Orsamentu Estadu, Salomão Yoaquim ba TATOLI iha edifísiu Ministériu Finansa (MF) informa haree de’it ba ezekusaun atuál nian porsentu 21.8 no obrigasaun porsentu 9.7.

Iha portál transferénsia orsamentu Timor-Leste nian www.budgettransparency.gov.tl/public/index?&lang=pt, fundu U$1,386,825,735, obrigasaun ne’ebé atu selu ba ema ne’ebé asina ona kontratu mak U$ 136,079,255.4. Kompromisu ne’ebé hala’o hela tuir planu mak U$  130,092,522.3, orsamentu reál ne’ebé gasta ona U$ 296,823,792.0 no saldo ne’ebé seidauk aloka ba prosesu ruma hamutuk U$ 823,830,165.1.

Ezekusaun OJE 2017 la’o pozitivu tanba tinan ne’e laiha projetu foun no iha mak projetu ba Programa Dezenvolvimentu Munisipál, Zona Espesiál Ekonómia Sosiál  Merkadu TimorLeste (ZEESM), eleisaun no nesesidade operasionál ne’ebé rekomenda no hein atu selu de’it.

Iha loron 4 fulan-abríl MF, halo pontu situasaun ida kona-ba ezekusaun OJE 2017 iha reuniaun Konsellu Ministru husi Janeiru to’o Marsu to’o iha porsentu 25.6.

Aleinde ne’e foka liu ba atividade prinsipál sira ne’ebé hala’o ona iha trimestre dahuluk ba rezumu husi dadus pagamentu 2016 no 2017, avaliasaun kona-ba pagamentu hirak ne’ebé halo ona iha munisípiu sira no dezafiu prinsipál ne’ebé hasoru iha prosesu ezekusaun orsamentu nian.

Vise Ministru MF, Helder Lopes hatete ezekusaun iha trimestre dahuluk nian ideál tanba bele ezekuta orsamentu ho persentajen ne’ebé iha.

Jornalista: Maria Auxiliadora

Editora: Rita Almeida

HUSIK IDA HATÁN