Governu Aprova Rezolusaun Adezaun ba AIIB

0
48
Enkontru Konsellu Ministru. Foto/GPM

DILI, (TATOLI)- Rezolusaun Governu nian ba adezaun Banku Investimentu no Infraestrutura Aziátika (AIIB-Asian Infrastructure Investment Bank) hetan ona aprovasaun husi Governu iha enkontru Konsellu Ministru, Tersa (04/04/2017) horisehik.

Vise Ministru Finansa, Helder Lopes hatete, depois aprovasaun sei lori ba Parlamentu Nasionál (PN), maibé antes ne’e Primeiru-Ministru tenke asina rezolusaun refere.

“Maibé ita mós tenke aneksa dokumentu balun iha rezolusaun para sai informasaun ba Parlamentu Nasionál hodi nune’e sira bele debate no ratifika rezolusaun ne’ebé ita propoen ba,” Helder dehan.

Tuir rekezitu, dokumentu balun tenke ho lian ofisiál portugés nune’e sei halo tradusaun husi lian Inglés ba Portugés depois submete ba Primeiru-Ministru para aprova rezolusaun no aneksa ho dokumentu nesesáriu hafoin lori ba PN.

AIIB ne’ebe lao offisialmente iha 16 Janeiru 2016 (open for business) dadauk ne’e iha ona nia membru hosi nasaun 52 ho nia prospective members iha 18. AIIB nia kuartel jeral lokasaun iha Beijing, Xina. AIIB nia legalizasaun ho nia tipu operasaun rekonese nudar Banku Investimentu Rejional.

Jornalista: Maria Auxiliadora / Editór: Gantry Meilana 

HUSIK IDA HATÁN