Governu Aprova Milliaun Neen Hodi Fiskaliza Estrada

0
140
Enkontru Konsellu Ministru, tersa, (4/4) iha Palásiu Governu. Foto GPM

DILI, (TATOLI) – Governu liuhusi reuniaun Konsellu Ministru sira iha tersa (4/4) aprova ona orsamentu milloens neen resin ba kompañia Donsu Korea hodi fiskaliza estrada husi munisipíu Baucau to’o Lautem no diresaun Maubara-Karimbala munisípiu Liquica to’o Atabae-Motain Bobonaro.

ʺProjeitu ba konstrusaun  estrada aprova ona no hetan ona vistu husi Tribunál Kontas, enkuantu ohin aprova supervizaun ba kompañia ho valór osan milloens neen resinʺ, Ministru Obras Públikas Transporte no Telekomunikasaun, Gastão Sousa ba jornalista sira iha Palásiu Governu.

Ministru ne’e hateten, tempu besik, sei asina akordu ho kompañia Donsu  Korea ne’e  hodi implementa.

ʺAmi sei asina kontratu iha tempu besik no haruka ba tribunál kontas hodi hetan vistu molok implementa”, hatutan.

Jornalista: Agapito dos Santos

Editora: Rita Almeida

HUSIK IDA HATÁN