Governu Aprova Lisensiamentu Exesionál ba Infraestrutura Portu ETO-Cement Timor

0
133
Enkontru Konsellu-Ministru sira iha loran 25/4/2017. Foto GPM.

DILI, (TATOLI) – Reuniaun Konsellu iha loron 25 abríl 2017 fó ona lisensiamentu exesionál no temporáriu ba infraestrutura portu Esperansa Timor Oan (ETO) nian no portu Cement Timor atu hala’o importasaun no armazenamentu kombustivel nian.

Komunikadu impresa Governu Timor-Leste ne’e hatete, desizaun ne’e foti tanba atividade deskarga kombustivel nian iha kais Tibar tenke para, durante konstrusaun portu foun la’o hela.

“Ho dalan ida ne’e, Governu kria kondisaun sira atu empreza sira ne’ebé fornese kombustivel bele, iha seguransa, atu hili portu atubele deskarga kombustivel”, dehan komunikadu.

Proposta ne’e hato’o husi Ministériu Petróleu no Rekursus Minerais, ne’ebé hetan apoiu husi Autoridade Nasionál Petróleu no Minerál.

Jornalista: Maria Auxiliadora

Editora: Rita Almeida

HUSIK IDA HATÁN