Governu Aprova Kontratu Foun Fornesimentu Kombustível ba Sentrál Elétrika

0
142
Sentrál Eletrika Hera. Foto espesiál

DILI, (TATOLI) – Governu liuhosi enkontru Konsellu Ministru (KM), tersa, (25/4) aprova kontratu foun fornesimentu kombustível ba sentral elétrika Hera no Betanu ba kompañia ETO+ no SACOMS.

“Desizaun Konsellu Ministru konkorda no aprova númeru sira ne’ebé hetan kualifikasaun ba konkursu, agora Ministériu Obras Públikas, Transporte no Komunikasaun halo kontinuasaun ba prosesu kontratu”, Sekretariadu Estadu Komunikasaun Sosiál (SEKOMS), Nelio Isaac Sarmento ba jornalista sira hafoin enkontru parte dader iha Palásiu Governu.

Iha fatin hanesan, Vise I MOPTK, Januário Pereira informa katak prosesu konkursu ne’ebé loke ba públiku, kompete hosi kompañia lima.

“Kompanhia ETO+ manan fornesimentu kombustível 63.000.000 litru ba sentru eletrika Hera no SACOMS manan fornesimentu kombustível 28.000.000 litru ba sentru eletrisidade Betanu, kontratu fulan 18 nia laran hahú fulan-jullu tinan ne’e”, katak nia.

Governante ne’e haktuir presu mina tun iha 2015, no kontratu laran hakerek katak, kombustivel ne’ebé ETO+ sei fornese ba sentrál eletrika Betanu 23.000.000 litru, tanba presu tun, ETO+ nu’udar timoroan ida, nia fó liu 5.900.000 litru. “Ida ne’e hatudu nu’udar  timoroan emprezáriu ida maibé nia bele manan nia lukru no konsege fó buat ruma ba rai ne’e”, dehan.

Nia informa tan, Hera iha jeradór tolu no Betanu ida ho kálkulu ne’ebé halo ona iha loron ida jeradór ida gasta 62.500 litru.

Kompañia ne’ebé la-pasa konkorsu mak Pertamina tanba presu boot, tuir sira nia análize atu fornese kedan 64.000.000 litru, entaun la-liu.

Proposta ne’e aprejenta hosi MOPTK no Komisaun Nasionál Aprovizionamentu.

Jornalista: Julia Chatarina

Editora: Rita Almeida

HUSIK IDA HATÁN