Governu Aprezenta Preparasaun Seguransa Eleisaun Parlamentár ba PR

0
51
Ministru Interior Longuinhos Monteiro. Foto: serviço de relações públicas, MI.

DÍLI (TATOLI) – Ministru Interior, Longuinhos Monteiro iha Kuarta, (05/04/2017), aprezenta ba Prezidente Repúblika (PR) Taur Matan Ruak kona-ba seguransa iha Eleisaun Parlamentár.

ʺHau mai hato’o relatóriu situasaun seguransa iha teritoriu, informa mós kona-ba preparasaun metódu, medidas husi parte seguransa sei impoin iha eleisaun lejislativa,ʺ dehan Longuinhos Monteiro iha Palasiu Prezidensiál Ai-tarak Laran, Dili.

Ho rezultadu eleisaun Prezidensiál  ne’ebé lao  ho susesu tanba ne’e, Xefe Estadu elojia ho rezultadu ne’e no husu atu mantein iha Eleisaun Parlamentár.

ʺAmi hein katak buat hotu sei la’o di’ak maibé Prezidente Repúblika elojia ho kna’ar PNTL durante eleisaun Prezidensiál,ʺ membru governu ne’e esklarese.

Governante ne’e fiar katak ho preparasaun ne’ebé iha sei asegura seguransa iha eleisaun Parlamentár iha Jullu 2017.

Jornalista: Agapito dos Santos / Editor: Gantry Meilana 

HUSIK IDA HATÁN